June 28 tariko Tura-ni MP Agatha K Sangma, District Development Co-ordination and Monitoring Committee (DISHA) ni gita East Garo Hills, William Nagar Curcuit House-o tom∙aniko ong∙ate ma∙mong sorkarini chamatgimin scheme-ni bidingo a∙ja gimikko man∙gope nirok sandianiko dakangaha. Ia tom∙anio PHE, Soil and Water Conservation aro Housing ni Minister, Marcuise N Marak baksana Deputy Commissioner Vibhor Aggarwal aro gipin official-rang bakko ra∙angaha.
PMAY-G scheme ni gimin niangengon, Minister Marcuise Marak ni aganchakani gita ia scheme-ko man∙gipa mittam manderang adita tangkarangko songni nokni ramarangko tarina on∙gilaniko dakna gita chanchie dongenggiparang gnang, indiba iara ong∙na amgijani katta ong∙a aro iani bidingo BDO ko agantalate on∙china didiataha ine ua parakataha.
PMGSY rama ni bidingo aganengengo a∙jao dam 67 ramarangko man∙aha, jean 234.911 km mang ong∙a aro dam 40 kode matchotaha ineba parakataha. Iani bidingo rama tarianirangko dongimin somoio matchotatna manjaengani bidingo nikrokenggipa departmentko contractor-rangni kosako am∙sandianiko dakchina gita MP Agatha Sangma ge∙etaniko on∙angaha.
Unbaksana gipin scheme-rang jekai JJM aro Swacch Bharat Mission under PHE, MHSSP aro PM-BHIM under Health and Family Welfare, Poshan Abhiyan under ICDS, PMKSY under Soil and Water Conservation, AAY and PHH under Supply, National Food Security Mission and RKVY under Agriculture, PMMSY under Fisheries, RMSA aro Mid Day Meal under Education Department, aro bang∙a dingtang dingtang scheme-rangni bidingo MP Agatha Sangma nirok sandianirangkoba dakangaha.
