India Meteorological Department (IMD) ni sal gittamna chong·motan May 26, 27 aro 28 tarikarango Cyclone Remal balmanduri na mikrakataniko on·ani ja·mano a·doko adita nisiatako man·gipa chu·gimik song aro nokrangko Meghalaya State Disaster Management Authority (MSDMA) u·iatangaha.
Ia Remal balmanduri ong·ani somoio EGH Songsak C&RD Block-ni ning·o ong·gipa Rongrong Bolsongchok songo mikka kimpretani a·selo nokdang ge·gnini nokrangko nisiatako man·aha. Unbaksana NGH Kharkutta Block-ni ning·o ong·gipa dam sni songrangni nokdang ge 22 nokrangko aro skichakram noko nisiatako man·aha ine u·iatangaha.
Indake ong·genchimoba SWGH, SGH aro WGH a·jarango mikka balwana bolrang aro bijoli sringgipa siltongrang be·ana agre nok jamrangko bang·e nisiataoni naljokaha ine MSDMA u·iatangaha.
