Da·al attamni bako Tura Rongkhon o Alto gari bolsa ML 13 7439 ramao a·sel ong·aha. Ia obostao ga·akgipa mande adita bilongbee mata bu·anirangko man·aha jekon a·sel ong·ani bakan Tura Civil hospital ona uko sanna bannaniko dakna watataha.
A·sel ong·ako a·damo nikgiprangni agananigitade, gari salgipa mande pekgipa bostuko jakkale ta·rakbee salbae sakgipinni ramako re·sretange a·kuangchi ga·akonangaha ine aganangaha. Police dolrang ia ong·a obostani bidingo sing·sandianirangko dakangkuenga ine u·ina man·aha.
