Da·al salo World Environment Day-ko gisik ra·agita Dalu Regional Unit-ni AHAM dolrang bolrangko ge·angaha. Da·aroro Garo Hills-o sal ding·anirang batrikrikenganiko nike chaktopilgija ding·anirangko man·enganina da·al sal mangmangsan ong·aigija mikkangchiba bolrangko ge·angna nanganikoba aganangaha.
Ia bolrangko ge·na gita Forest Department-rangoniko mamingba dakchakaniko man·jae neng·nikanirangko man·enga, maina bolrangko ge·na bol chararangko man·a neng·engahani gimin mikkangchina mikraksona nanganikoba uamang u·iatangaha. Ia a·selrangoni naljoke dongna man·agita poraienggipa chatro chatrirangko aro songdongenggipa manderangko re·baenggipa bilsi 10 ni ja·mano neng·nikanirangko chagrongna nangjana gita bolrangko ge·china sakantikon AHAM dolrang ku·monge didianiko on·angaha.
