Class XII-ni ja∙mano collegerango Under Graduate (UG) ni admissionrangko ra∙na chatro chatrirang CUET porikkarangko see pass ka∙osa man∙gen ine adita bilsirangonin Ministry of Education ni ge∙etani donga. A∙doko Central University ge∙sa dongpae dingtang dingtang collegerang NEHU baksa chaprime course-rangko poraingita cholko on∙baenga.
Ia CUET porikkako sena nanganichi a∙dokni bang∙a chatro chatrirang adita neng∙nikanirangkoba man∙angaha aro sorkariko matnangaonaba sokpilaha. Iani gisepon a∙dok sorkari dingtangmancha NEHU-ni course-rangko gimik college-o ra∙gatna nangjanagita State University-ko kulie on∙angenga jean Captain Williamson Sangma State University ong∙a. Ia State University baksa chapgipa college-rango mikkangchi chatro chatrirang admission ra∙nagita CUET porikkako sena nangchongmotgipa ong∙jawaha.
Iako aganengon a∙dokni college-rang State University ba NEHU baksa chapna nangchongmota ine ong∙ja jekon college-rangni skaniosa pangchakanggen ine Skotong Minister Conrad Sangma talate on∙angaha.
