Tura-ni MP Saleng A. Sangma 56 Gambegre constituency-ni MLA kamko watani somoio mikkangchi a·dokna aro Garo Hills-ni manderangni namgnina pilak nanganirangko niroke kamrangko ka·anggen ine aganangaha. Skanggipao ma·mongni pilak dongimin niamrangko namedake u·ie ra·chenge, a∙dokni manderang ku∙sik agananio nengnikaniko man∙enganina Khasi aro Garo ku·sikrangko 8th Schedule-o napatna jotton ka·anggen ine Sangma janapangaha.
BJP NDA-ko rikna nangagita chu·gimik seat-rango chena man·jae gipin dolrang baksa bakrime sorkariko rikengani gimin CAA-ko ra·galna ba dingtangatna agangolpogrike kamrangko ka·na neng·nikani dongjawa ine Sangma aganangaha. BJP chu·gimik seat-rango chee sorkari rikode haida dingtanganiko ra·bana namen neng·beani ong·naba gnangchim ineba Sangma agandapangaha. Unbaksana a·doko Inner Line Permit (ILP) ni bidingoba ma·mong baksa agangolpogrike ra·gatna kamrangko ka·angani bidingoba Sangma aganangaha.
Sangma Tura-ni MP ong·na ku·mikchetanirangko dakmane MLA-ni kamko wate, dingtanganiko ra·bachina manderangni seoke watatako man·gipa ong·e pilak nanganirangko a·dokni aro Garo Hills-ni manderangna ku·rang on·e dangdike on·anggen ine kang·kare kae aganangaha.
