MeECL ni bijoli den∙ani somoirangko komiatanichi a∙dokni manderangna adita neng∙nikanirangko dikdiksa somoinade ritchengatna man∙engaha aro ia bijoli den∙ani somoirangko ra∙onani ba komiatani ko re∙anggipa Mongolbar saloni a∙bachengataha ine parakataha.
A∙doko mikkarang waanichi adita chirang dal∙genchimoba, bijoli den∙aniko bonatsrangnade man∙kujawa aro mikka waanio pangchake bijoli den∙anirangko dakangna nangkuaigen ine Power Department ni saksa official aganaha. Bristibar salo chi ni tang∙doaniko toe niani gitade 3190.76 feet mangni gita tang∙doaha, indiba bijoli den∙aniko dontongatsrangnade name dake chu∙ongsrangkujaenga ineba agandapangaha.
