Tura Football League 2024 Super Division ni final-ko June 15 tariko kal·atnagita tik ka·giminko adita neng·nikanirangko man·enganina June 22 tarikona ra·doatskaaniko District Football Association (DFA) Tura u·iatangaha.
DFA-ni u·iatanigitade ia final kal·aniko walosa ong·atna miksongengani gimin adita technical-nigita neng·nikanirangko chagrongenga ine parakataha. Apsan daken lottery kal·atanikoba ra·dogimin tarikosa kal·atanggen ine DFA janapatjolaha.
