A·dok sorkarinigita ru·utgija salrangni gisepon Inner Line Permit (ILP) aro dingtang dingtang nangchongmotgipa kamrangni bidingo ma·mong sorkari baksa agangrikna skotong songjinma New Delhi-ona re·anggen ine da·al salo Deputy Chief Minister Prestone Tynsong parakataha.
Inner Line Permit-ko ra·gatnagita batanggimin 2019 bilsini December jaon Meghalaya Assembly-o namnike ra·chakgenchimoba bang·a obostarangni a·selo ru·uta bilsirangna matchotgija dongna nangaha ine Prestone Tynsong aganangaha. Ia re·baenggipa salrango ILP kosan ong·aigija dingtang dingtang nanganirang jekai Eighth Schedule-o jatni ku·sikrangko ra·napaniko aro a·dokna nangchongmotgipa kamrangni bidingoba golpogrikanggen ine Tynsong agandapangaha.
