Chokpot jolo niam gri koela bikotenga ingipako SP Abraham T. Sangma jegalata

South Garo Hills a∙jani, Chokpot C&RD Block-ni ning∙ao donggipa biaprango niamgri koela bikotenga ine agananiko SP Abraham T. Sangma, kakket ong∙ja ine parakataha. Sal gnina skang social activist, Flaming Marak ni niamgri koela bikotaniko Chokpot jolni bang∙bata biaprango dakengkua ine badi ka∙doanina pulis dol aganchakatskaaha. Pulis dolrang nirok sandianiko dakenba niamni a∙palo koela cho∙aniko dontongataha aro gital bikotaianirang dongjaha ine aganangaha. Uamang gital koela bikotaniko champengna gita raken kamrangko ka∙enga ine u∙iatjolaha.