North Garo Hills, Resubelpara oni Mendipathar ona dakanggipa ramarang adita salrangna mikka jimbee waanganichi re·a doanio neng·nikanirangko man·enga. Ia ramao dolong ge·gni rikenggipa gnang, jeon chirang skonge donganichi gari gorarang, salantio bading chiwale cha·giparang, skul, college bi·sarang aro songdongenggipa manderang re·rurana champenganiko man·enga.
Ia kamrangko Garo Hills o bang·bata rika cho·ani kamrangko ka·enggipa Badri Rai Company jako ra·e ka·aenga ine u·ina man·aha. Indake neng·nikaniko ra·baaniara kamrangko name ka·jani a·selo ong·enga ine songdongenggipa manderang parakataha. Ia Mongma batsotram dilsa kamkam rama, Resubelpara aro Mendipathar ni manderangna re·rurana gamchatbegipa rama ong·a.
