Mikka bitchirang a∙doko komiengani a∙selo umiam dam ko chipna nangnaba donga ine a∙dokni skotong dilgipa Conrad Sangma aganangaha. Re∙baenggipa salrango apsan dake ong∙angkuaiode an∙chingna neng∙nikani batrikriknaba donga ineba ua agandapaha.
Sokari bijoliko watanio name kamko ka∙na jotton ka∙enga aro mikka bitchirang komiani an∙chingosan ong∙aigija a∙gimikon ong∙enga ineba Conrad Sangma agantalatangaha.
Kobor ra∙timgiparangni uko bang∙a Power Project rangko 2008-2009 bilsi o ra∙chakgijaniko matnanganirangko janapon, ua adita project rangko ua somoi mitingo ra∙chakarang dongachim indiba uko kam ka∙anio dingtang dingtang neng∙nikanirangko man∙e uarangko dontongna nangao ga∙akaha ine ua agantalate on∙angskaaha.
