Da·al salni bako Tura Rongkhon College of Teacher Education (CTE) college ni bilsi 31 gapaniko gisik ra·e maniangaha. Rongkhon CTE ni Principal, Dr. Meena A. Sangma, ia salko kusi ong·e manianio bilsi 31 na kingking jotton ka·e re·dilbaanina gitcham ong·anggimin Principal-rangko gisik ra·ate aganangaha.
CTE Rongkhon-ko June 26 tarik 1993 bilsio a·bachengbaaha aro Ma Charlotte W. Momin skanggipa Principal ong·e re·dilbaaha. Ua somoirango CTE ko chalaianio namen neng·nikanirangko chagrongaha, mongsongbate chatro chatrirangko man·an dal·bea ja·guani ong·aha. Ma Charlotte Momin ni agangimin kattarangko da·o ong·enggipa Principal ni parakon chatro chatrirangko skigiparangsa sandie drae napatna nanga ine aganangaha.
Skangni somoirangko nigrikatgenchimode da·o bilongen dingtaniko nikenga aro NEP 2020 ni ja·mano re·baenggipa 2030 o ia CTE college-ko multi-disciplinary dakna nanggen ine Dr. Meena Sangma parakataha.
Da·alni program-ona WGH a·jani Deputy Commisioner aro CTE advisory board ni Chairperson Jagdish Chelani mongsonggipa ong·e sokbaaha. Unbaksana pilak school-rangni, college aro NEHU ni professor rangba ia program-ona okamatako man·e sokbatokaha.
