Da·al salni bako West Garo Hills a·jani DEIC Office, District Maternity & Child Hospital Tura-o bilsi 0-8 ong·gipa bi·sarangna Congenital Heart Disease (CHD) ba ka·tongo a·kol donggipa bi·sarangna Free Screening Camp-ko National Health Mission-ni ning·o donggipa RBSK, District Early Intervention Centre (DEIC) Health City Hospital Guwahati baksa nangrime ong·atangaha.
Ia koros nanga gri porikka ra·aniona Garo Hills-ni dingtang dingtang a·jarangoni ma·apaarang uamangni sae dongenggipa dedrangrangko rimbatokaha. Da·alo porikkako ra·na re·bagiparang batanggimin chango adita songrango PHC-ona Mobile health service-nigita skul aro anganwadi center-rangchi re·ange sing·sandianiko dake bimungrangko chimonge ra·anggiminrang ong·a.
Ia porikka ra·aniko salgnina ong·atangenga jeon da·al salni bako sak 36 bi·sarangko ma·apaarang rimbaaha. Maibakai saa ding·anirang bilongbegenchimode ua bi·sarangko Guwahati-ni Health City Hospital-ona rimange indin sanne on·anggen ine kobor ra·timgiparangna u·iatangaha.
