Da·al salni Tura Football League o Division I ni gisepo susaanio Rongkhon Sporting dolrang goal 2-1 chi Achapara Balmikka GSC ko amataha.
Rongkhon Sporting dolna Kevisucho Chalisou goal 2 ko saksan minute 10 aro 49 gipa somoio chipe on·aha. Uamangni doloni Treninggath M. Sangma aro goal keeper Tekan Marak sakgni rimmit card-ko man·angaha.
A Balmikka dol, da·al kal·anio am·atako chagronggenchimoba uamangni susagrikanio namen biltinggrikaniko nikangaha. Uamangni doloni 16 gipa minute-o Tengrik R. Marak goal-ko chipna man·aha. Ian intal kal·a gimiko una agre goal-rangko jotton ka·beoba chipna man·jaha aro kal·anio sirikna nangaha.
