Da·o wachi karini somoi ong·enggon a·dok gimikon mikka jimme waanichi a·a rurongani aro chi bana ong·anirangko niknagita man·enga. Iani gisepon Tura-o manderangni re·na namnikbegipa biap Gandrak Dare-ko mikkarang chotchanggija waengani a·sel chidareni chirang ta·rakbee jokenganigimin ken·chake Tura Municipal Board (TMB) adita somoirangna chipe donna tik ka·angaha.
Gandrak Dare damsa sorkarini rochakna tarie on·gimin biap ong·a aro ia biapona bang·a manderang re·baronga. Indake ong·engon da·ororo mikka waanirang dontongjaengani gisepon chi dare jokanirang namen ta·rakbeani gimin chipna nangao ga·akaha.
Unbaksana Gandrak Dare battanggimin somoirangoba chi ta·rakbee jokani a·sel a·arang ruronganiko nikna man·angaha. Apsandaken ia changoba a·arang rurongnaba gnang ine kenchake TMB adita somoiorangna chipnagita tik ka·angaha.
