Chief Minister Conrad Sangma, Manipur a∙doko tom∙tomaniko ra∙bapilna gita cholrangko am∙sandie kam ka∙na ma∙mong sorkariko mol∙molangaha. Sangma ia kattarangko kobor ra∙timgiparangni President-chi sason ka∙aniko Manipur-o ra∙gatani bidingo sing∙anina aganangskaaha. Ma∙mong sorkari je ja∙kurangko de∙na skang pilak nama aro namgijaniko nichengesa dakna nanga ine Sangma ku∙watangaha.
Constitution ni tarigimin niam bidiko pangchake sakantina namgniko ra∙banagipa ja∙kukosa ga∙na nangenga ine uamangni dolni gita tom∙tomanina jak on∙pana kusi ong∙aniko Sangma parakangaha. Ma∙mong sorkariko pilak a∙sel ong∙gnirangna simsake dongsochinaba Conrad Sangma mikrakatani kattako aganangaha. Manipur a∙doko songdongenggipa manderangni so∙sojengjeng ong∙aniko tom∙tomaona ra∙bapilna pilakan ku∙cholsan ong∙e kam ka∙angna ine Sangma ku∙pattianikoba on∙angjolaha.
