Batanggimin salrango mikka jimbee waanichi manderangni gamjinrangko nisiatan baksa manderangni janggina kenbeani ong·enganina nanggipa ja·kurangko nirokate de∙china Southern Zone-ni A·chik State Peoples’ Front (ASPF) dol a·jani DC na chitti see didiataha.
Mikkarang jimbee waanganichi aro Baghmara Rongara Highway ni project matchotkujae a·arang rurongdape ramarangko champengatani a·sel gari gorarang nangana re·rurana neng·nikaniko chagrongenga. Indake ong·engon, ramarangko re·rurana jakkalenggipa manderangnaba kenbegnigipa ong·enga aro iarangko ta·rake nirokjagenchimode janggirangko gimaatnaba gnang ine uamang parakataha.
Mikkangchi manderangni janggirangko ong·nanggija a·selrangoni champengsona man·agita aro namgipa rama ja·langrangko jakkalnagita DC ko nirokate kam ka·china mol·molangaha.
