Garo Hills-ni gital MP Saleng Sangma-ko mande ra·pilskaaniko dakna da·alo adita Congress-ni dilgiparang aro chakpagiparang re·batoke Resubelpara-o tom·aniko dakangaha.
Ia tom·aniona Deborah Marak, Phulbarini gitcham MLA Estamur Mominin, Kharkuttani gitcham MLA Omilo K. Sangma aro gipin dilgiparangba bakko ra·angtokaha. Congress party ko bilakdapatna aro mikkangchi krimkro ong·e kamrangko ka·nagita dilgiparang manderangko ku·mongdilangaha.
A·dokna ma·mong sorkarini chamatgipa kamrangko nirokna aro gipin scheme rangko kakket ong·e ka·engama ka·jaenga iarangkoba nipiltaianiko dakanggen ine Saleng Sangma aganangaha. Unbaksana re·baenggipa DISHA meeting-ko ong·atna skangan manderang uamangni neng·nikanirangko party ni dilgiparangna u·iatchina mol·molangan baksana mikkangchi apsan ku·mong nangrime kamrangko ka·angnaba tik ka·angaha.
