Aljon R. Marak (bilsi-27, mandeni changroani-5.5 ft) jean Balmikram, Dainadubi, North Garo Hills-ni ong·a Sukrobar, July 12 tarikni pring 9:45 bajimangoni nokoni gimaenga ine nokdangni manderang u·iatangaha. Ua (L) Lukesh K. Sangma aro Hesarina R. Marak-ni depante ong·a aro batanggimin bilsi 4-onin gisiknigita bilgrie saaniko da·onaba man·kuenga ine u·iatangaha. Gimaani somoio uni ganding chindingrangara T-shirt gisim, jeans-ni shortpant aro sandal gipok-ko gana ine nokdangni manderang u·iatangaha.
Koborna parakatanigitade nokdangni manderang da·al salo Dainadubi Police Outpost-o missing report-ko on·angaha. Indake ong·engon jemaangan Aljon R. Marak-ko nikgenchimode on·gimin mobile number 8413847698 aro 9366540034-rangona call ka·ate u·iatpachina gimaenggipani ma·drang maharirang mol·molata.
