Da·al salo West Garo Hills a·jani Goeragre 2nd Battalion, Meghalaya Police, Armed Police Training Centre, HQR-o dingtang dingtang a·ja, unit aro organisation-rangni chang 37 gipa batch-ona rimnapaniko dakengon training-ko matchotgipa constable-rangna Passing Out Parade-ko ong·atangaha.
Ia Parade-ona a·dokni Director General of Police (DGP), IPS Idashisha Nongrang mongsonggipa sokgipa ong·e training matchote kamona rimnapako man·gipa cadet-rangni “Salami” ba salute ko ra·chakangaha. Unbaksana a·dokni dintang dingtang a·jarangoni SP, SI, dal·dalgipa officer-rang aro department-ni retired officer-rangba re·bae bakko ra·angaha.
Ia parade-o kamona gital rimnapa mangipa constable-rang sak 146 gnang jemangan battanggimin bilsini August 1 tarikoni Basic Training-ko ra·angtokaha. Rimnapako man·gipa cadet-rang 1, 2 aro 5 gipa MLP Battalion, SF10, East Khasi Hills DEF, West Jaintia Hills, East Jaintia Hills, Eastern West Khasi Hills, South Garo Hills aro West Garo Hills DEF ni ong·a. Ia ja 11-na training centre-o dongmiting somoio uamang silchidarerangko jakkalna, gona, janggi tangani cholrang, be·en bimangko mangrake rakkina, nokdang bakuko chalaina, niamrangko ja·rikna, namgipa ranta ka·anirangko aro daitoko kim·kime ka·aniko skie ra·angaha.
Tom·bimongani bon·kamgipa bako training-ni gisepo nambate dakmesokgiparangna boksisrangkoba on·angaha.
