SGH ni ge 3 Sub-Centre rangna ambulance garirangko on∙anga

Re∙anggipa July 13 tarik, Sonibar salo Education Minister aro Rongara Siju-ni MLA Rakkam Sangma Emangre Sub Centre, Nengkong Sub Centre aro Rongru Asim Sub Centre na SRWP nigita ambulance bolprakko suale on∙angaha.

Ian wilwilao sae ding·e dongenggipa manderangko hospitalrangona altubate salrurae aro nambata gadango sanna bannaniko on∙a dakchakanggen ine Sangma parakangaha. Una agreba ru∙utgija somoirangni gisepon manggisiko salgipa ambulance bolgniko Rongara aro Siju-na on∙anggen ineba Sangma ku∙chakangaha.