Ri-Bhoi-ni ning·tubegipa biapo donggipa Borbalu song damsao ramarang namjabeani a·selo gari gorarang re·na man·jae ma·drang mahari aro songni manderang gari man·aona ripeangani ja·mano, Health Council-ni member-rang ta·raken Panitola-ona rimangna man·e, Byrnihat PHC-ona Ambulance-o ra·ange bi·sako name an·pakatna man·aha ine koborna parakataha.
Indake sagipa mandeko ta·rake sanna bannaniko on·agita ra·ange somoigita bi·sako an·pakatna man·anian ASHA-rangni bimchipe kam ka·ani a·selosa ong·aha maina ANM aro Doctor-rangna koborko on·e sanchakram biapona sokatna man·aha ine u·iatangaha. Iani gisepon songo noko an·o donggipa ma·giparangko nirok simsake sangipa ASHA-ni kam ong·ani gimin uamangko mikchepgija mande ra·aniko dakskana nanga ine dakchakako man·giparang mittelpile aganangaha.
