National Education Policy (NEP) jo ra·gataoni bilsi 4 gapaniko a∙dok sorkari Robibar-o maniani palo Sombar-o manianiko dakangskagen ine Education Minister Rakkam Sangma aganangaha.
District School of Education, Government of Meghalaya-ni u∙iatanigitade NEP 2020 ni bilsi 4 gapaniko pilak skulrangni Principal-rangko Shiksha Saptah-ko July 22 oni July 28 tarikona manichina ge∙etangaha.
Indake ong∙engon, ia maniani bon∙kamgipa sal Robibar-o ga∙akani gimin aro Meghalaya a∙dok Christian toromo bebe ra∙gipa ong∙ani gimin pilak skulrangko Shiksha Saptah-ni bon·kamgipa salko Sombar sal jean July 29 tarikona ra·doate maniangskachina ge∙etaha ine Education Minister u∙iatangaha.
