Re·anggipa Budbar salo Mangsang Bamil anti bajar-o Darugre-ni MDC, EM Henendro Sangma-ni kosako gital seokgimin bajar-ni Managing Committee member-rangko approve ka·gija an·tangni mandeko MC member-rangna sriksrik District Council-o approve ka·e on·a ine matnange re·jome jegalaniko dakangaha.
Ia ong·anggimin obostarangni bidingo agantalataniko dakengon, ia gital seokgimin Mangsang Bamil bajar-ni MC member-rangko approve ka·na ra·baaniko gital MC member-rangko seokna una maming janapani dongjani gimin approve ka·nagita jechakaha ine Henendro Sangma aganangaha. Iani gisepon uamangko changsatai manderangko okame apsan ku·monge gital dake tom·e chanchitaie re·bapilchinagita aganataha ineba Sangma aganangaha. Indake ong·engon uamang Sangma-ona anti gittam batpilomangba re·angpiljaha ine Sangma u·iatangaha.
Bon·kame ia bajar-ni gimin so·sojengjeng ong·aniko tom·tomaona ra·bapilnagita mande, torom aro party basegija apsan nangrime kamko ka·na ku·mongangan baksa Sangma mol·molangaha.
