Rongjeng Community Health Centre (CHC)-o sanna bannaniko ra·enggipa aro jolo songdongenggipa manderangni adita neng·nikani bidingo janapanirangko knasona man·e Rongjeng-ni MLA Jim M. Sangma CHC-ona re·ange nirokaniko dakangaha.
Sangma-ni re·ange nirokani somoio CHC-o dangdike on·enggipa aro sanna bannaniko ra·enggiparang baksa adita agan-golpogrikanirangko dakangaha. Unbaksana CHC-o rongtal an·talani, paikanarangko namdapatna nanganirangko aro birth/death certificate-rangko tarie on·anio manderangna name dangdike on·china staff-rangko didiangaha. Una agreba sagiparangko sanna bannanio ku·mong nangrime kamrangko ka·e on·angchinaba Sangma ku·pattie on·angaha.
