UCC-ko pilak gadango janggi tangenggipa manderang baksa apsan chanchirimani griode uko ra∙gatanio ma∙sisretanirang bang∙begen aro Northeast-ni manderang uko ra∙chakna bil amjawa ine CM Conrad Sangma aganangaha. Ia bill ni gita Northeast a∙jani Schedule Tribe (ST) aro Schedule Caste (SC) rangna dingtang mancha naljokataniko on∙a amode iani bidingo golporimna aro chanchirimna neng∙nikani dongjawa ine ua agandapangaha.
UCC-ko ra∙gate ma∙gipachiko chatchi ma∙chong ra∙ani aro gamjinko donrikani niamrangko ripingna cholrangko naljokatna man∙esa ia bill-ko ra∙gatna nangchongmota ine CM janapangaha. Northeast-o songdongenggipa manderangni dakarika dakbewal aro bebe ra∙aniko chanchiesa kamrangko ka∙na nanga ine ua agandapangaha.
