Re·baenggipa November jao, A·gilsak gimiko mingsing minggamgipa Boney M Band Meghalaya a∙dokni Shillong songjinmao pangna bilsi ong∙atrongenggipa Cherry Blossom Festival-o uamangni bon·kamggipa concert-na ring·mesokaniko daknagita tik ka∙aha ine koborna parakataha.
Boney M band-ni gitcham git jekai Daddy Cool, Ma Baker, Belfast, Sunny, Rasputin, Mary’s Boy Child/Oh My Lord aro Rivers of Babylon gitrang manderangni knaronggipa aro knana namnikbegipa ong·a. Boney M band uamangni bon·kamgipa Live-show ko Shillong songjinmao ong∙atna tik ka∙anian a∙dokni manderangna namen rasong chabeani ong∙an baksana music-ni a∙bao gisik nanggiparangna namen gisik ra∙beani ong∙gen.
Koborrangko man·soanigitade Boney M band Cherry Blossom festival-o ring·mesoknagita ra·chakangaha aro ia festival-o bakko ra∙nasienggipa artist-rangni programrangko tarina skangan ticket-rangko palaniko dakengaha ine u∙iatangaha. Boney M-san ong∙aigija India a∙songona a∙gilsako mingsing minggamgipa artist-rangba re∙bae skanggipa changna ring·mesokanggen ineba u·iatangaha.
