Mijal salni bako, songsalni namgnina kamko ka∙gipa, Cherian G Momin, a·dokni High Court circuit bench-ko Tura a·jao songe on·china a·dokni skotong Minister-na dorgasto seataha ine kobor o parakataha. Garo hills a·jao sondongenggiparang niamnigita kakketo bichal ka∙na circuit bench dongjae bang∙bata changon neng∙nikaniko aro champenganiko man∙ronga ine Momin janapataha.
A∙dokni High Court, Shillong songjinmaosa ong∙ani gimin manderang chel∙begipa biapona re∙ruraanio neng∙nikaniko man∙a. High court-ni nanga kamna skotong songjinmaona re·aniara tangka paisani aro chanchianirango bojasan ong·aia ine Momin aganangaha. Iako ra∙baanichi Shillong court ni kamrangko olgrokataniba ong∙anggen ine ua agandapangaha. Momin-ni aganani gitade circuit bench donggenchim ong·ode kajina man∙dapanio tang∙doani, niamko ma∙sigiparangko salbaani, kamrangko bikotanio aro manderangni ka∙dongani aro bebe ra∙aniko man∙a amgen ine u·iataha.
