Mongolbar salo Chief Minister Conrad K Sangma Sasatgre Do∙patchi Homestay ni nokgipa Darmen G. Momin na uni buring bolgrimrangko ripinganina Megahalaya Excellence Award-ni gita tangka gong lakh 1ko State Convention Centre-o Environment Day ko maniani salo on∙angaha.
Do∙patchi Homestay-ni nokgipa uni bimchipbee bol wa∙arangko aro do∙o matrangko ripinge eco-tourism ko tang∙doatna a∙bachengatgipa project ong∙a jeon da∙alo bang∙bea a∙jatangni aro gipin a∙songoni tourist rang ua biapona re∙bae somoirangko re∙atna man∙enga.
Unbaksana Pa. Momin, National Responsible Tourism Outlook Magazine ni ‘Grassroot Heroes’ ingipao, Tamil Nadu ni Ooty-o March 17 tariko, Tamil Nadu ni Tourism Minister K. Ramachandran ni jakchi on∙ako ra∙chakangaha.
