A·dokni Education Minister, Rakkam A. Sangma, SSA-ni skigiparangna jagnini dormaharangko watna miksonganiko July 5 tariko ku∙watangaha. April aro May jani dormaharangko watna gita Education department a·dok sorkari baksa kam ka·e mikkang antini gisepo watatgen ine SSA School Asssociation dolna Mongolbar salo parakataha.
2016-17 bilsini arrear-koba a·dokni State Finance department gong 12.44 crore-ko skanggipa installment-ni gita chamatgen aro June jani dormahako ja∙mano watatskagen ine Sangma agandapangaha. Education Minister-ni dormaha baksa arrear-ko on·a ku∙wata bakan Education department-rangna u·iate SSA skigiparangni dormahako uamangni personal account rangona watatgen ine Meghalaya SSA School Association (MSSASA)-ni President, Aristotle Rymbai parakataha.
