University of Science and Technology Meghalaya (USTM)-ni bang·a mamlarangko nirokna Assam aro Meghalaya a·dok ge·gni melie Joint Committee-ko bikotna tik ka·angaha. Ia ja·kuko batanggimin salo tom·e chanchirimani ja·mano a·dok damgnini official-rangko bak ong·ate committee-ko bikotna ra·chakaha ine Chief Minister Conrad Sangma parakangaha. Committee dingtang mancha bang·a USTM-ni bidingo Assam a·dokni aro gipinrangni janapgimin neng·nikanirangko niroke namdapatna kam ka·anggen.
Batanggimin salrango, Assam-ni Chief Minister Himanta Biswa Sarma, USTM-oni chirang joksuake Assam a·dokko bana ong·atanio jak donggipa ine jaksi ote matnangaha. Sarma, USTM-ni adita rika cho·anirangkoba janapange bida budi ra·enggipako nosto ka·enga ineba aganangaha. Indake, jajaanirang aro matnanganirang ong·katengon a·dok damgnini Chief Minister-rang asonge golpogrikani ja·mano joint committee-ko bikotna tik ka·angskaaha. Chief Minister Conrad Sangma, committee-o ka·donganiko parakange antisa ba antignini gisepo committee-ko bikotgen ine u·iatangaha.
