Phulbari a∙jani pulisrang nimaikata songni nok te∙saniko am∙sandiako dake bike bolsa, 6.51 gms heroin aro gong 55,500 ko man∙a

Kabor on∙timgiparangni parakaniko man∙e, Pulbari a∙jani pulis dolrang Nimaikata songo nok te∙saniko am∙sandianiko dakenba adita bosturangko man∙aha ine koborko man∙soaha. Ia nokniko bike bolsa, 6.51 gms heroin aro gong 55,500 tangkarangko man∙aha ine pulis dolrang parakataha. Dosi dakgipa manderangni kosako mokor doma ka∙doanikoba dakangaha.

Pulis dolrangko niksoe dosi gnanggipa manderang ua nokoni joke katna jotton ka∙ahachim. Uamangni joke katna jotton ka∙ako nikenba pulis dolrang somoigita uamangko rimgittangna man∙aha ine parakata. Rim∙ako man∙gipa manderangara Rahul Islam (bilsi 24) aro Romison Nesa (bilsi 46) ong∙a jean Nimaikata songnin ong∙achim ine u∙ina man∙aha.