A·dok sorkari SSA skigiparangni neng·nikanirangko nirokate kamrangko ka·enga ine mijal salo Education Minister Rakkam A Sangma kobor ra∙timgiparangna parakataha. SSA skigiparang uamangni dormaharangko ia jani gisepon 100% ong·e bariate on·china dabianirangko sing∙sandianiko dakon uamangni dabianirang kakketgipa ong·a aro iani gisepon sorkariba raken jotton ka·enganina sorkarini ka∙enggipa kamrangko matchotaona chakchike sengpachinaba Sangma aganangaha.
Batanggimin salrango SSA skigiparangni dormaharang 90:10 san jekon 90% nigitade ma·mong sorkarini chamatgimin aro 10% a·dok sorkarini ong·a. Indioba a·dok sorkari 5% ko SSA skigiparangna dingtang mancha bilsiantian on·dapaniko dakenga jekon ma·mong sorkari bilsiantian 5% nigita den·gale galanichi re·baenggipa bilsi 3-4 ja∙mande 50% a·dok sorkari aro 50% ma·mong sorkarini ong·skanaba donga ine Sangma janapangaha. Indake ong∙genchimode mikkangchi ma·mong sorkari nigita a·dok sorkarina SSA skigiparangna dormaha on·anirangko 100% ong·e jako ra·e kamko ka·na pakwate on·aba donga ineba Rakkam Sangma aganangaha.
