Batanggimin somoioni Hindu toromni Gau Dhwaj Yatra chong·motan matchuko ma·gipa chane matchu cha·aniko beng·na re·jomna tik ka·aniko manderangni jera ra·e ba namnikjae jechakenggipani bidingo ian politics-ni gadango ong·ja indiba uamangna rai on·a East Khasi Hills-ni Deputy Commissioner-ni jakosa bil donga ine Chief Minister Conrad Sangma aganangaha.
Northeast gimiko matchuko so·otaniko bon·ate aro matchuko a·songni ma·a ine channa miksonganiko Jyotirmath-ni Jatguru Shankaracharya Swami Avimukteswarananda Saraswati parakataha jeon a·dokni skotong songjinma Shillong-o October 2 tariko ong·atna miksongenga.
Indake ong·engon bang·a a·dokni kona noksikni manderangni jechakani gisepon, re·jomna on·a ba on·janagitade DC ni bilosa pangchaka maina uni politics-nigita rally ka·naba DC-oniko permission ra·na nanga ine CM aganangaha.
