Reservation policy-ni bidingo nipiltaianiko dakna Justice (Retd) MC Garg-chi dilenggipa sorkarini songe on·gipa Reservation Committee, October 3, 4 aro 5 tariko public hearing ba manderangna parakataniko skotong songjinmao dakangnasienga. Ia parakataniko uamang convention centre-o pring 9-oni 1 bajiona aro 2-oni attam 6 bajiona ong·atanggen.
October 21 aro 25 tarikrango, Reservation Committee pil·taie Tura aro Williamnagar songjinmaoba parakataniko dakangna u·iataha. Manderangna uamangni talatna re·mikkanganiko pilak kona noksikrangoniko a·dokni Reservation Policy-ni bidingo ku·pattianirangko aro agananirangko man·soani ja·mano Reservation Committee public hearing-ko dakangna tik ka·angskaaha.
Ia donsogimin salrango jemangan bakko ra·nasienggiparang committee-na uamangni seatgiparangko pangchakna man·agita nanggipa lekka pancharangko ra·bachina Chairman u·iataha. Chairman, sokbanagiparangko dingtangmancha king 5 copy-rangko ra·bachina aro an·tangtangni ID card rangko photo copy ka·e ra·bachina mol·molataha.
