South Garo Hills a·jao Ruga jolni Atisia Songmong songo nokdang ge·sani saksni manderang a·a rurongdape nok ning·ao napkete sigiparangni manggisiko da·al salni gisepo ra·ongkatna man·pilaha. Sianggipao bi·sa sakgittamba a·selo jang·nange janggitangko gimaataha.
Rasong gribee ia obostao janggitangko gimaatgiparang bilsi 60 ong·gipa Silje R. Marak aro uni demechik Merina R. Marak (39), Sama N. Sangma (50), Chengbe R. Marak (22), Desrang R. Marak (14), Silbera R. Marak (8) aro bilsisa ja 6 ong·gipa Dimse R. Marak ong·a.
