All Meghalaya SSA School Teachers’ Association (AMSSASTA), uamangni dormaharangko bariatchina a·dok sorkario dabigenchimoba ja·manchakenganina a·songni Prime Minister Narendra Modi-o chitti see nirokatchina mol·molataha.
AMSSASTA-ni u·iatanigitade uamangni dormaharangko re·anggipa 2016-17 bilsirango bariataha ine parakataha. Da·o L.P skul-ni skigiprangna on·enggipa dormaharangara gong hajal 9,200 oni hajal 19,044 aro U.P skulni skigiparangna gong hajal 9,900 oni gong hajal 20,493 ona ong·enga ine AMSSASTA chittio janapataha.
Skigipa dolrang re·anggipa October 1 tarikonin aro batanggimin changrangoba dontonggija dormarangko 100% ona ta·rake bariatchina sorkario sinjete dabianiko dakenga. Indake ong·genchimoba, maming ja·ku de·anirang dongjanina aro dormaharangko bariatna ja·manchakkuenganina sak hajal 13,000 SSA skigiparangni palo uamangni neng·nikanirangko nirokatchina Prime Minister-na janapataha. Unbaksana, da·ororoni somoio korosrang tang·doani a·sel aro damrang rakani batroroanichi neng·sikeme janggi tangna nanganiko nigrike uamangna dakchakchina PM-ko mol·molataha.
