Mijal salni bako North Garo Hills Resubelpara-ni Sangkni resort-o tom·e chanchirimaniko dake gitalgipa The Garo Enlightenment Society-ko Indian Constitution-ni Article -19 (1)(c) o pangchake a·bachengataha. Ia gitalgipa society-ko ru·utgija salrangni gisepon Indian Society Act-1860 o pangchake government registration-ko ka·angna tik ka·e donangaha ine u·iataha.
Ia gitalgipa Society-ko A·chik pagitchamrangni gimin u·ie masie ra·na aro A·chik jatni ku·sikko ripinge rakkian baksana daka rikanirangko gital chasongo ripinge rakkina jekai sika moa, doka dama, wata chenga, ganding chindingrang-ko ripinge rakkina man·a gita miksonge a·bachengataha ineba aganangaha. Una agreba gisikni gita apalbate u·ianiko on·a man·a gita social awareness, cultural programme aro dingtang dingtang songsalni kamrangoba ka·angna aganangaha.
Ia gitalgipa society-o dangdike on·a gita Central Executive Committee (CEC) na dilgiparangko donangaha jean President Clinton R Marak, Vice President Silang Goera Ch Marak, General Secretary Christopher S Sangma, Additional Secretary Ankur G Momin, Finance Secretary Sengban T Sangma aro Assam State President-na Clatus G Momin-ko donangan baksana dingtang dingtang Circle-rang jekai Williamnagar, Kharkutta, Rongjeng, Songsak, Nengkra, Bajengdoba, Resubelpara, Baghmara, Ampati aro Tikrikilla circle rangko songe donangaha ine u·iataha.
