October 15 tarik, South West Garo Hills, Ampati, Zikzak C&RD block-ni ning·o man·gipa Anangpara songo ‘Mahila Kisan Diwas’ ba me·chik game ge·e chagiparangni salko maniangaha. Ia manianiko Agriculture Technology Management Agency (ATMA) ong·atangaha.
Manianiko ‘Role of Women Enterpreneur in Transforming Agriculture’ katta bichongko done ong·atangaha. Program-ona songni nokni bang·a me·chik ge·e game chagiparang sokbatokaha jeon manianiko ong·atenggiparang dingtang dingtang u·i ma·sina nanggiparangni bidingo skieba on·angjolaha.
