South West Garo Hills a·jani Legislative Assembly Constituency-rangna Draft Photo Electoral Roll-ko SWGH-ni Deputy Commissioner aro District Election Ofiicer Hema Nayak-ni jakchi dingtang dingtang party-ko dilenggiparangna sualangaha. Electoral Roll-rangko sualmiting somoi a·jani Additional Deputy Commissioner Dr. W.C.R. Marak aro Executive Magistrate C.R.N. Sangma donpae bako ra∙angaha. Pu·onana bil man·ani tarikko 01-01-2025 o pangchake tariangaha.
Draft Photo Electoral Roll-rangko dingtang mancha somoigita segatenggipa voter-rangko party-rang name tale ma·sie kakketgipa susaaniko ja·rikchina miksonganio sualangaha. Iasan ong·aigija susaenggipa dolrang ba manderang election-ni somoio maming donnue dakanirangko chagronggija parake ma·sina dakenggipa ong·a. Ian election-o ka·donganiko ra·bana aro party-rangna name tarisamsona cholko on·aniba ong·a.
Electoral Roll-ni bidingo am·sandina sikgenchimode SWGH District Election Officer-ni Office, Ampati, Block Development Officer-rangni Office aro polling station-rango donggipa Booth Level Officers (BLO) rangoniko man∙gen ine u∙iatangaha.
