Garo Hills-o misi ge·anichi me·chik rangna aro tribal chadamberang bilko aro nambata cholrangko on·a miksonge sal 7 ni Vocational Training Programme ko re·anggipa October 23 tarikoni October 30 tarikona College of Community Science, Central Agricultural University (Imphal), Tura, Meghalaya ni Multi Technology Testing Centre and Vocational Training Centre (MTTC&VTC) o MTTC&VTC-ni Assistant Professor Dr. Sabyasachi Majumdar ni dilanichi ong·atangaha.
Ia programme-o West Garo Hills a·jani Kherapara songni sak 28 ge·e game cha·giparang bakko ra·ange misi-ko maikai ge·na nangani aro dingtang dingtang cholrangni bidingo skie ra·angtokaha. Bon·kame ia programme-o bak ra·gipa sakantinan certificate rangkoba suale on·angaha.
