56-Gambegre constituency-ni Returning Officer konta 48-na skang BNSS-ni Section 163-ni ning·o bilko jakkale bye-election o susaenggipa pilak candidate-rang aro party-rangko campaign ka·aniko da·al attam 4 bajioni dontongchina u·iataha. Ia beng·gimin konta 48-ni gisepo jinma tom·ani, re·jomani, janggipa speaker-rangko jakkalani aro party-tangna kam ka·aniko pu·onnani matchotaona kingking dakna man·jawaha.
Dingtang dingtang party-rangni kam ka·giparang jemangan a·palchini re·bagiparang aro Gambegre constituency-o pu·onna man·gijagiparangko campaign ka·ani somoi matchota bikan constituency-oni re·ongkatchina ge·etataha. BNSS-ni section 163-ni ning·o sak bongana agre tom·na ba re·ramna maming niam dongja. Indake ong·genchimoba nokprakoni nokprakona re·roroe campaign ka·aniko konta 48-ni ning·o champengani donggijaniko commision talatangaha.
Unbaksana, pu·onani a·bachengaoni aro matchotani minute 30-na skang Exit poll ba result-ni gimin talatsoaniko dakjachina u·iataha. Result-ko nigrike niksamsoaniko darang print aro electronic media-rang chapa ka·jachinaba ge·etanio napataha. Ia ge·etanirangko West Garo Hills gimik da·al attam November 11 tarik 4 bajimangoni pu·onani matchotja dipet ra·gatataha.
