Batanggipa Gambegre bye-electiono Mehtab Chandee A Sangma-ni cheani ja∙mano National People’s Party (NPP) dolrang Meghalaya Legislative Assembly-o donggipa chu∙gimik ge 60 seat-oni sak 32 MLA rangona tang∙doangaha. Indake ong∙genchimoba NPP dolrang sorkari rikanio maming dingtangataniko nangnikjae MDA sorkario bak ra∙gipa partyrang baksa melie bakrimkuangaigen ine Chief Minister Conrad K Sangma parakangaha.
Iako aganengon, mikkangchiba uamang dingtang dingtang political party rang baksa melie nangrime kamrangko ka∙na miksonganiko manderangna parakatna nangnikaniko Chief Minister aganangaha. NPP dolo MDA sorkario bak donggipa pilak party-rangni ka∙donganiko nike NPP ba apsan daken uamango ka∙dongpaenga ineba Sangma parakangaha.
