Tripura a·doko ong·atgipa chang 22-gipa North East Fide Rating Chess Championship 2024-o A·chik me·tra chadambe sakgni namgipa gadangrangko man·e cheaha. Ia susaaniko December 17-oni da·al sal 21 tarikona Gomati Sports Complex, Udaipur-o Gomati District Chess Association aro All Tripura Chess Association bakrime All India Chess Federation-ni dakchakanichi ong·ataha.
22nd North East Fide Rating Chess Championship 2024-o chegiparang Adora K. Marak jean 9 round-oni 3.5 points-ko man·e brigipa ong·aha aro Cheaha Nikgame G. Momin, 9 round-oni 4.5 points-ko man·e gnigipa ong·baskaaha. Uamang sakgni F11 category-o Meghalaya a·dokni palo ia susaanio bakko ra·e cheangaha.
Ia chadambe me·trarang batanggimin chango ong·anggipa Meghalaya State School Chess Championship 2024-oba chegiparang ong·aha. Nikgame G. Momin skanggipako aro Adora K. Marak gittamgipako man·aha. Ia Northeast a·dok gimikni chess susaanioba uamang Meghalaya-ni palo bakko ra·e chegiparang ong·enba jatna aro a·dokna mikkim rasongko ra·baaha. Skanggipa ong·jagenchimoba ian a·dokna dal·bea chu·sokani ong·a.
