Mijal salni bako Tura songjinmani P A Sangma Stadium o Meghalaya State League (MSL) ni Quater Final kal·susaanio Rymbai Shkenshynriah SC, Tura ni mingnam mingsingbegipa Chipakkore FC baksa kal·susaangaha.
Ia Quarter Final-o dolgnini biltinggrike kal·susaanio skanggipa half ni bako dolgnian goal chipgrikna man·jaha. Gnigipa half o Shkenshyriah dol ni Hesmiki Rymbai 68 gipa minute o goal 1 ko aro 79 minute o apsan dolni Laishah Bareh goal 1 ko doltangna chipe on·angaha. Chipakkore FC rakbee jotton ka·begenchimoba ia Quater Final kal·susaanio goalsa koba chiprikna man·jae sirikna nangao ga·akaha.
Chipakkore FC baksa kal·susaanio Shkenshyriah dolrang goal 2 ko chipna man·e uamang MSL ni Semi Final ona sokdona gita man·aha. Ia kal·susaanio Rymbai Shkenshynriah SC dolni Hesmiki Rymbai nambee kal·mesokanina player of the match ko man·angaha.
