Ru·uta somoirangonin Khasi Hills a·jaona crore 200 ni rel garini projectko ra·bana tik ka·genchimoba bang·a manderangni nanggipa a·a rangko on·a jegalani a·selo ma·mong sorkari ra·galnaba donga ine Chief Minister Conrad Sangma u·iatangaha. Budbar salo Railway Minister ko gronge adita chanchirimanganiko dake a·dok sorkari ko ia project ni bidingo ta·rakale raiko on·china ge·etangaha ine Chief Minister aganangaha.
Khasi Hills ni manderang ia railway projectko ra·baanio bang·a jegalanirangko dakenga ine u·iatani ja·mano, nanggipa golpogrikani aro chanchirimaniko dakna Shillong songjinmaona re·bana Railway Minister tik ka·angaha. Chief Minister-ni agananigitade da·o dipet iani bidingo maming olgrokataniko man·kujaengani gimin, ma·mong sorkari ia project ko ra·galnaba donga ba a·dokni gipin biaprangona ra·angskanaba donga ine u·iatangaha.
East Khasi Hills jolo rel garini project ko jegalna gita adita NGO dolrang ILP ko ra·gatja dipet chu·sokatna on·jawa ine a·kanganiko nikna man·enga.
