Rangsakona ni MLA, Subir M Marak, Nirupama Memorial Secondary school ni chatro chattri rangko uamangni nambee porikka seanio chu∙sokgipa ong∙anina mande ra∙aniko dakanio mangsonggipa ong∙e bakko ra∙angaha.
Ia mande ra∙aniko man∙gipa chatro chattri rang chu∙gimik sak 80 mang gnang aro uamangni gisik nangbee aro bimchipbee namgipa gadango chu∙sokgipa ong∙anina uamangna laptop, scholarship, certificate aro momentos rangko on∙angaha.
Ia manianio west Garo hills ni Deputy Commissioner, Jagdish Chelani mangsonggipa sokgipa ong∙e tomanio dongangaha unbaksa Ampati ni Additional SP, Bikash Kumar aro Ampati ni ADC Yosima Ch. Momin ba ia manianio bakko ra∙angpaaha.
