North Garo Hills, Mendipathar Railway Station-ona skanggipa changna nangchongmotgipa bosturangko train-o salbae February 4 tarikni pringo ra·onangaha. Ian Meghalaya a·dokni itihaso skanggipa changna bosturangko train-o sokatani ong·a.
Food Corporation of India (FCI)-nigita ge 21 wagon ba mal salchakgipao merong rangko ra·baaha jekon pring 9:20 mangni somoio Mendipathar Railway station ona sokbaaha aro pring 9:40 somoio bosturangko ra·onangskaaha.
Mendipathar, ian a·dokni skanggipa railway station ong·enga jekon 2014 bilsini August 29 tarikoni a·bachengataha aro nanggipa bosturangko salrurana ge 4 rail garirangni re·ani ramarangko tariaha ine Northeast Frontier Railway-ni Chief Public Relations Officer Kapinjal Kishore Sharma aganangaha.
Ia railway station-ko ra·bae on·anichi a·jao songdongenggipa manderangna namgniko on·an baksana bading chiwale cha·giparangnaba nengrabataniko ra·baaha.
Ia station-ko a·dokna nanggipa bosturangko salruraani mongsonggipa bak ong·e mikkangchi Northeast a·jao railway network rangko bilakbatatna miksonganikoba NFR-ni Chief Public Relations Officer aganangjolaha.
