Medical Entrance-na National Eligibility-cum-Entrance Test (NEET) UG porikkako re·baenggipa May jani 4 tariko ong·atgen ine National Testing Agency (NTA) parakataha. NEET-UG na application rangko ra·chakaniko Sukrubar saloni a·bachengataha aro March 7 tarikona bon·chote ra·chakangkugen.
UG course-rang jekai Dentistry, Ayurveda, Unani aro Siddha-na admission-rangko NEET porikkani result-rango pangchake ra·aniko daka. Ian India a·songo bang·batgipa porikka sena galatgiparangko hisape dal·batgipa entrance porikka ong·enga. Re·anggipa bilsio lakh 24 mang candidate-rang ia porrikako seaha. Ia porikkako NTA bilsiantian medical college-rango admission-ko ra·na ong·atrongenga. MBBS course-na da·o chu·gimik lakh 1,08,000 seat-rang gnang jekon private college-rango hajal 56 (approx) aro sorkari hospital-rangna hajal 52 (approx) dake sualaha.
Ia porikkako pangna dakbaengagitan pen paper mode ong·atgen. Iako Education aro Health Ministry-ni chanchirimani ja·mano ja·rikna tik ka·angaha. PhD entrance NET aro NEET porikkao bang·a matnanganirangko man·ani gimin, name aro kakketgipa ong·e niamrangko ja·rike ong·atna man·agita 2024 July ja·o panel-ko songna tik ka·aha. Paper leak aro uandakgipa dingtang dingtang kamrangni a·sel re·anggipa bilsio porikkako ong·atna man·jaha jekon CBI am·sandianirango parakataha.
